-- ADVERTISEMENT --
BUTUAN CITY – Tungod sa report nga 25 ka adlaw na lang ang suplay sa liquefied petroleum gas kon LPG sa Pilipinas, gipakusgan sa Philippine National Police kon PNP ang pagbantay sa baligya ug presyo niini.
Nagtinabangay ang Department of Energy ug ang Department of Trade and Industry aron masiguro nga wala’y negosyante nga magpahimulos.
Gikumpirma nga kulang na ang suplay sa LPG, mao nga nagpagawas og kamanduan ang PNP Chief nga suportahan ang pagbantay sa presyo sa mga produkto, labi na ang petrolyo.
Nagbutang ang PNP og mga sakop nga magbantay sa merkado ug magkuha og impormasyon bahin sa presyo ug baligya sa LPG.
Ang ilang mga report ipasa sa DTI ug DOE, ug dayon isumite ngadto kang Pangulong Ferdinand Marcos Jr alang sa aksyon.
-- ADVERTISEMENT --
