-- ADVERTISEMENT --
BUTUAN CITY – Hingpit nang nahimong usa ka tropical depression nga ginganlan og Dante ang low pressure area (LPA) sa sidlakang bahin sa Aurora, mga alas-2:00 sa hapon karong adlawa.
Tungod niini, la-uman ang mga pag-ulan sa pipila ka bahin sa Luzon ug Visayas, ilabina nga mapasamot niini ang nagtunhay nga hanging habagat.
Gibantayan karon sa mga eksperto ang posible nga pagtaas sa lebel sa tubig sa mga suba, pagbaha sa mga ubos nga lugar, ug mga landslide sa kabukiran nga komunidad.
Wala pay ipagawas nga signal warning, apan gilauman nga ipagawas kini sa sunod nga mga bulletin ug gipahimangnoan na ang mga residente nga magmatngon ug dili pasagdan ang mga weather advisories.
-- ADVERTISEMENT --
