BUTUAN CITY – Gi-andam na sa mga otoridad ang kasong ipasaka batuk sa usa ka ulitawong guwang na usher human kini nasakpan nga nagpataya og ilegal nga pasugal nga swertres kagahapon sa alas-5:00 sa hapon atol sa gilusad nga ‘Oplan Bolilyo,’ ang kampanya batuk sa illegal number games sama sa swertres.
Nakuha gikan sa posisyon sa 63-anyos nga si alyas ‘Buboy,’ residente sa Purok 4, Brgy. Poblacion, Las Nieves, Agusan del Norte ang ₱1,039.00 nga salaping cash, ingon man ang 20-pisos nga kwartang gigamit sa pagtaya nga miresulta sa iyang pagkasikop ingon man ang mga stubs kondiin ang uban, duna na’y nasulat nga mga number combinations.
Padayon ang operasyon sa kapulisan batuk sa ingon niini nga pasugal tungod kay wala’y makuha nga buhis ang gobyerno.
