BUTUAN CITY – Padayon ang imbestigasyon sa kapulisan sa Rosario, Agusan del Sur aron masayran ang motibo og ma-ilhan ang responsable sa pagpamusil-patay sa riding-in-tandem suspects sa usa ka lolo samtang ka-uban ang iyang asawa og duha ka mga apo.
Nasayrang gisundo sa biktimang si Noli Plaza, 62-anyos ka-uban ang asawa niining si Linda nga parehong residente sa Sitio Buhisan, Purok 6, Brgy. Poblacion sa maong lungsod ang duha nila ka mga apo gikan sa Rosario Central Elementary School.
Dihang pa-uli na sila subay sa national highway sa Purok Uno sa maong barangay, gisabayan sila sa duha ka wala mailang lalaking sakay sa motorsiklo og dinhi na gipusil sa li-og ang biktima kinsa nakahimo pa pagtabok sa motorsiklo sa pikas lane diin didto na kini natumba hinungdan sa pagka-angol usab sa iyang asawa og mga apo.
Namatay gilayon ang biktima samtang daling misibat ang mga responsable. (Beth Ruiz)
