BUTUAN CITY – Gika-ingon nga ang 55-anyos nga lolang si Kerstin Tristan, gikan sa Leipzig, Germany, migasto og kapin sa 35,000-dolyares kon kapin sa 1.6-milyunes pesos aron lang mapuno sa colorful tattoo ang iyang lawas.
Nagsugod ang tanan niadtong tuig 2015, dihang si Kerstin, kinsa nagtrabaho isip taxi driver sa tibuok niyang kinabuhi, nagdesisyon pagpabutang sa iyang unang tattoo, aron mahatagan og gamay nga kolor ang iyang kinabuhi.
Ang unang parte sa body art misangpot na ngadto sa obsession, human nga gidugangan na ni Tristan ang usa ka tattoo diha sa iyang bukton ngadto na sa puno sa kolor nga tattoo sa iyang lawas nga daw nagsuot siya og sapot kung tan-awon.
Bisan sa kadako na sa iyang nagasto, wala pa kini planong mu-undang pagpa-tattoo.
Iyang gibutyag nga mas malipayon na siya karon kumpara kaniadto tungod kay ang puno sa kolor nga mga tattoo, naghatag man kaniya og kalipay ug kusog.
Nakatabang usab kini kaniya nga makamugna og impresibong online following, human nga mi-abot na sa 100,000 ang iyang mga fans sa Instagram, ug libuang mga subscribers sa paid platform nga OnlyFans.
Dili katu-uhan nga ang 55-anyos nga kaniadto wala’y tattoo, mapuno na sa tattoo ang lawas gikan sa iyang li-og ngadto na sa mga kuyamoy sa iyang tiil.
Kanunay siyang nag-post sa iyang kaugalingon gikan sa iyang bayho kaniadto adiser ang iyang transformation, kondiin makita nga usa na siya ka lahi nga indibidwal.
