BUTUAN CITY – Patay ang usa ka tigulang babaye karong adlaw sa mga kalag human kini nabanggaan og sakyanan dihang ningtabok kini sa pedestrian lane sa may San Vicente Cemetery sa Purok 8, Brgy. Bancasi, Butuan City.
Naila ang biktima nga si Lucy Juanico Calimbo, 67 anyos, babaye, minyo, ug residente sa M.B.Nabe P-8, Brgy. Bancasi, Butuan City.
Sumala sa imbistigasyon nga aksidnete matud pang nabanggaan ang maong tigulang sa usa ka ka sakyanan nga naka rehistro sa kompanya sa may sa JC Aquino Ave, Bayanihan, Butuan City , gimanihuan kini sa usa ka babayeng 39 anyos, ug minyo.
Tungod niini nakaangkon ang biktima og serious physical injuries kansa gidala sa Agusan del Norte Provincial Hospital pinaagi sa ning responde nga Butuan Emergency Medical Response Unit( ALIMAT) alang sa hinanaling atensyong medical. apan gi deklara kining dead on arrival sa attending physician nga si Dr. Anthony Francis Medillo, MD.
