BUTUAN CITY – Wala magdahom ang pamilya sa usa ka 81-anyos nga lola nga subli pa nila kining maka-uban tungod kay gitu-uhan nilang halos upat ka dekada na kining patay human nahanaw og 39 ka tuig.
Nasayrang tuig 1985 pa mibiya sa ilang panimalay ang tigulang ug wala na mubalik pa ug wala usab makita sa iyang pamilya taliwa sa ilang paningkamot. Niadtong Nobyembre 15, 2024 pa nasagop sa City Anti-Mendicancy Task Force sa Department of Social Welfare and Development kon DSWD ang tigulang sa Barangay Cabug sa Bacolod City, Negros Occidental.
Gamit ang social media, na-trace sa DSWD ang pamilya sa senior citizen nga taga-Zamboanga rason nga nakig-alayon sila sa Zamboanguita Social Welfare and Development ug malampuson silang nagka-uban pag-usab.
