-- ADVERTISEMENT --
BUTUAN CITY – Giputlan ug ulo ang usa ka babaye sa Purok-1 Barangay Canayugan, Bayugan City, Agusan del Sur kagahapon sa alas 12 sa udto.
Naila ang biktima nga si Rosalina Abing 66 Anyos, kansang ulo, gibitbit pa sa suspetsado ug gipatung sa usa ka pasilidad sa Barangay Hall.
Sa inisyal nga report, ginapasanginlan matud pa sa biktima ang suspetsadong si Mario Fortun, 44 anyos, minyo, nga nangawat og manok, ug gikabiklan usab sa duha ang mga tunukon nga tanom nga gilabug sa suspetsado ngadto sa luna sa biktima kondiin tapad lamang og balay ang duha.
Sa kasamtangan, gikostudiya na sa kapulisan ang suspetsado human kini misurender sa kapulisan.
