BUTUAN CITY – Emosyunal nga nagpatabang sa Bombo Radyo Butuan ang usa ka ginang og nanawagan ngadto sa 46 ka tuig ng nawala niyang igsuon.
Sumala ni Melchora Corporal Luminario, 62-anyos lumad nga taga Sitio-Lawag Brgy. Malpoc, Buenavista, Agusan del Norte, ug kasamtangang nagpuyo sa Sta Maria Bulacan, 68-anyos na karon ang iyang ate nga si Celerina Corporal, kansa 18 anyos palang dihang mibiya kini sa ilang lugar ug wala na kini nakabalik pa.
Saysay pa sa ginang nagpa-maid sa kaulohang Manila ang iyang igsuon ug ulahi nilang balita niini nga nagpadala kini og sulat aron magpahibalo nga dal-on sa Estados Unidos sa iyang amo sa Canada aron magyaya sa mga bata.
Nanghinaot si Ginang Melchora nga pinaagi sa Bombo Radyo mapalaran nga madungog ang iyang panawagan aron makapauli na ang iyang igsuon tungod dugay na kining gipaabot sa ilang 85 anyos nga Inahan.
