BUTUAN CITY – Nagmalampuson ang gipahigayong local absentee voting sa tibook Pilipinas sukad niadtung Abril 28 ngadto sa 30, kini sumala na sa report nga gipagawas ni Commission on Election Chairman George Erwin Garcia.
Sayrang gihimo ang maong local absentee voting sa nagkalainlaing parte sa Pilipinas alang niadtung mga dunay papel karong adlaw sa Piniliay, sama sa mga membro sa Media, mga sundalo, pulis, COMELEC Personnel ug uban pa.
Sumala niini nga nangabot na sa ilahang buhatan ang mga balota sa nasangpit nga absentee voting ug ablihan lamang kini panahon sa election.
Dugang niini, mapadali na matud pa ang pag-ihap sa resulta sa kasamtangan nga absentee voting ilabi na nga automated na kini karon nga tuig.
Dugang pa ni Garcia nga importante, ug mamahimo pang makapadaug sa mga Senador ang anaa sa 57-mil ka mga turn-out sa absentee voting.
Sayran nga national Level lamang ang gibutaran sa mga absentee voters, lakip niini ang Senador ingon man Partylist.
Sumala ni Garcia nga isalang pa ang local absetee voting sa random manual audit arun masigurong sakto ang pag-ihap sa mga boto.
