BUTUAN CITY – Extended pa hangtud ugmang adlawa Miyerkules ang pag-lockdown sa Salvador Calo Supermarket kansa mas nailang Langihan Public Market human nag-expire kagahapon ang deadline sa gipatumang unom ka adlaw nga total lockdown tungod sa gihimong contact tracing ug disinfection.
Nasayrang kaganinang sayo sa kaadlawon, ubay-ubay nga mga suking mamalitay sa maong merkado ang napalaw human personal nga na-obserbahang sirado pa ang entiro merkado rason nga nanawag na ang uban dinhi sa sibyahan aron masayran ang estado niini.
Sa eksklusibong pakighinabi sa Bombo Radyo Butuan, gipadayag ni Michiko de Jesus, tigpamaba sa Butuan City government nga ang paglugway sa lockdown tungod sa wala pa matapos nga rapid test.
Tungod niini, nanawagan ang opisyal ngadto sa tanang mga occupants sama sa mga stall owners ug mga vendors nga boluntaryo nang magpa-rapid test aron makabalik na sa operasyon ang maong merkado karong Huwebes, Septembre 3.
