BUTUAN CITY – Dakong hagit sa Department of Health-Center for Health and Development kon DOH-CHD Caraga ang pagkusog sa local transmission sa COVID-19 ning rehiyon nga mi-abot na sa 35-porsiento ilabina sa dakbayan sa Butuan nga mi-abot na sa 62-porsiento.
Kini human nga sa 670 ka mga kumpirmadong kaso sa tibuok rehiyon, 411 ang nakarekober recoveries ug 18 na ang patay kondiin napulo kanila mga taga-probinsya samtang walo ang sa Butuan nga parehong asymptomatic kon wala magpakita og simtomas ug nagpositibo lang sa COVID-19 tungod sa kusog nga simtomas nga ilang gipakita.
Sigon ni Dr. Jose Llacuna Jr., regional director sa DOH-CHD Caraga sa eksklusibong pakighinabi sa Bombo Radyo Butuan, gibutyag niining nabalaka sila sa paspas nga pagsaka sa kaso sa local transmission ning siyudad kondiin gikan sa kinatibuk-ang 366 ka mga kumpirmadong kaso, 219 ang local transmission kon bugti sa 65-porsento.
