BUTUAN CITY – All set na ang Department of Education kon DepEd-Butuan City Division alang sa ipahigayong Early Language Literacy and Numeracy Assessment kon ELLNA ugmang adlawa, Biernes.
Sa eksklusibong pakighinabi sa Bombo Radyo Butuan, gipasabot ni Dr Kevin Hope Salavana, chief education supervisor sa maong dibisyon, usa kini ka standardized test nga gi-administer sa Department of Education (DepEd) aron ma-evaluate ang foundational skills sa mga Grade IV learners sa subjects nga English ilabina sa language ug reading, apil na sa Filipino, mother tounge ug Mathematics.
Kabahin usab matud pa kini sa mas gipalapdang Early Language, Literacy, and Numeracy kon ELLN Program, nga nagtinguha pagpalig-on sa foundational learning gikan sa Kindergarten ngadto na sa Grade 3.
Gidesenyo kini nga assessment aron masukod ang proficiency sa mga bata diha sa reading comprehension, grammar, vocabulary, ug sda basic math.
Gawas pa kini sa pag-identify sa mga learning gaps tali sa mga Grade 4 pupils ug paggiya sa mga ipagawas unya nga instructional planning ug policy decisions. Isip pagpangandam, tulo ka semana na silang naghimo og pre ingon man post test gawas pa sa pagpahigayon nila og mga practice ug familiarity tests, sulod sa maong mga semana.
Subay sa himuong eksaminasyon, wala matud pa’y suspensyon sa face-to-face classes sa ubang mga grade levels tungod kay duna may gipili nga testing center ang matag-tunghaan. Gawas pa kini sa pagpatuman sa matag-tunghaan og mga security measures aron dili madisturbo ang mga grade IV learners nga mu-take sa maong assessment.
