BUTUAN CITY – Gihatagan og hugot nga seguridad sa Presidential Task Force on Media Security kon PTFoMS ang ka-ipon ni Christopher Iban Lozada nga si Honey Faith Indog Toyco apil na ang Prime FM sa Bislig City.
Kini ang giklaro ni PTFoMS Chief Executive Director Joel Sy Egco sa eksklusibong interview sa Bombo Radyo Butuan, human nadalikyatan ang maong siyudad.
Gibutyag sa opisyal nga ang survivor sa maong kremin maoy ilang pinakadakong saksi sa maong hitabo nga gila-umang makahatag og deskripsyon sa identity sa mga gunmen.
Kini ilabina nga gipakanaog kini sa mga responsable gikan sa maong sakyanan og gipadagan pa adiser gipusil ang biktima nga miresulta sa iyang kamatayon.
Gani, gi-aksyunan pa pagligis ang survivor dihang mipa-andar sa sakyanan ang mga suspek samtang nabutang siya sa tungang bahin sa maong sakyanan og sa ilang sakyanan.
Gidugang ni Egco nga planado kaayo ang pagpatay sa maong anchorman tungod kay maklaro base sa testimoniya sa survivor ingon man sa mga circumstantial evidences nga giseguro gyod sa mga gunman nga mapatay nila si Lozada.
Sa pagkakaron, kusog ang ilang pagtuo nga duna’y kalambigitan sa maong kremin si Bislig City Mayor Librado Navarro base na sa mga komunikasyon nila nga gi-post ni Lozada sa iyang Facebook account kondiin maklaro matud pa ang grabeng kasuko sa mayor. (Beth Ruiz)
