BUTUAN CITY – Epektibo na ang liquor ban sa tibook Pilipinas karong alas 12:01 ang takna sa kadlawon, Mayo 11, alang sa pagpangandam sa nagkaduol na nga 2025 midterm elections.
Kini pinasubay na sa COMELEC Resolution No. 11057
Subay niiini, bawal na ang pagpamaligya, pag-distribute, ingon man pag-inom sa mga ilimnong makahubog sugod sa nasangpit nga takna.
Sumala sa Commission on Elections kon COMELEC nga makunsiderang election offence ang paglapas sa nasangpit nga balaod, diin mamahimong mapriso sulod sa unom ka tuig ang makalapas niini, ug ma-ban usab sa paghawid sa public office sa tibook kinabuhi.
Mamahimo usab nga mawad-an og katungod sa pagbotar ang indibidwal nga mapamatud-ang nilapas sa liquor ban.
Exempted lamang sa maong balaod ang mga Department of Tourism (DOT)-accredited establishments sama sa hotels, resorts, ingo man mga restaurants. Apan mamahimo lamang maka-serve ang mga niini sa foreign tourist, ug bawal sa mga local residents.
Sigon pa sa COMELEC nga non-negotiable matud pa ang maong kaso ug, dili mamahimong maka-issue ang mga local authorities og exemption niini.
