Linya sa kuryente sa tibook Surigao del Norte, balik na sa normal samtang pipila ka barangay sa Surigao City brownout pa gihapon

BUTUAN CITY – Gikumpirma ni Surigao del Norte Electric Cooperative (SURNECO) General Manager Narciso Caliao Jr. nga na-energize na nila ang tanang mga munisipyo sa ilang lalawigan nga naput-lan og power supply human ang magnitude 6.7 nga linog niini lang nakalabay nga gabi-i.

Sa eksklusibong interview sa Bombo Radyo, gipadayag ni Engr. Caliao nga mayoriya na usab sa mga barangay sa Surigao City ang ilang na-energize gawas sa pipila ka barangay nga nagkinahanglan pa ug clearing sa linya ug daot nga transformer.

Paningkamutan sa ilang mga linemen nga mabalik na usab sa normal karung adlawa ang linya sa kuryente sa tibook siyudad. (Beth Ruiz)