BUTUAN CITY – Dili dakong isyu sa kampo ni Aksyon Demokratiko presidential candidate ug Manila Mayor Isko Moreno Domagoso, ang natigayong linabayay og mga iced ug bottled water ug uban pang mga butang atol sa konsyerto sa flip top artist nga si Range999 human gyod sa ilang political rally.
Kini ang giklaro ni Allain Buque, ang political organizer sa Aksyon Demokratiko dinhi sa Butuan.
Sa eksklusibong pakighinabi sa Bombo Radyo Butuan, gipadayag ni Buque nga gibahin sa duha ka hugna ang maong kalihukan kondiin ang mao political rally diin siya ang organizer samtang ang katapusan mao ang concert event kansa gi-organisa ni Rico Cano Jr.
Pagka-ugma human sa maong kalihukan, mi-text matud pa kaniya si PCol Renato Badajos ug nagpasalamat sa ngalan sa Butuan City Police Office kon BCPO sa pagbisita ni Isko kay wala’y dautang paghitabo sa rali.
Ang nahitato matud pa atol sa konsyerto natural lang sa mga batan-on karon kansa mao usab ang nagakahitabo ug angayan nga sabton.
Sa panig usab sa Land Transportation, Traffic and Management Office kon LTTMO, gibutyag ni chief Peter Paul Manatad nga kini ang pinaka-unang natala sa kasaysayan ning siyudad alang sa pinakadakong political tally tungod kay ang mga tawo mi-abot na sa FSUU gym.
