BUTUAN CITY – Nagpagawas na og disesyun ang National Historical Commission of the Philippines kon NHCP mahitungod sa gi-debatihan kung asa gipahigayon ang unang misa sa Pilipinas kon 1521 Easter Sunday Mass. Gipirmahan sa Board of Commissioners sa NHCP niadtong Hulyo 15, 2020 ang unom ka palid nga Resolution No. 2, diin girekomenda sa panel ang Barangay Triana sa kasadpan sa Limasawa, sa Southern Leyte, isip lugar diin gihimo ang maong misa og dili sa Butuan City sa pulo sa Mindanao.
Nagtagbo ang panel isip tubag sa requests gikan sa nagkalain-laing institusyon, lakip na ang Catholic Bishops’ Conference of the Philippines (CBCP).
Nakalatid sa Part IV sa maong resolusyon nga base sa ebidensiya nga gipresentar og pagduki-duki nga gihimo sa duha ka panig diin nabutyag nga ang argumento sa Pro-Butuan proponents dili igo aron mausab ang kasamtangang ruling sa gobyerno nga sa Limasawa Island, Leyte gihimo ang unang misa niadtong 1521 Dunay pamahayag usab kini ngadto sa Butuan diin girekognisa ang lawom nga historical significance sa siyudad isip pre-colonial trading center.
Tungod niini, ang panel nagrekomenda sa NHCP sa pagsuporta sa promosyon sa Butuan isip premier historic sites sa nasud.
Samtang sa sulat ngadto sa Limasawa, gi-endorso sa panel ang kabag-ohan nga gisugyot ni Historian Dr. Rolando Borrinaga nga Barangay Triana imbes nga Barangay Magallanes, parehong sakop sa Limasawa, diin kini girekognisa human ang konsultasyon sa lokal stakeholders og government units isip site sa unang misa.
Samtang ang Saub Point sa Barangay Triana, girekognisa isip lugar diin ang krus gilubong ni Magellan og sa iyang ginsakpan.
