BUTUAN CITY – Nagfile og courtesy resignation ang lima ka mga tag-as nga opisyales sa Department of Education kagahapong adlawa, tulo ka adlaw adiser ang opisyal nga paghulip ni Senador Sonny Angara kang Bise Presidente Sara Duterte isip Education Secretary.
Nanguna sa maong pag-resign si Department of Education (DepEd) Undersecretary Michael Poa, Undersecretary for Administration Nolasco A. Mempin, AssistantSecretary (Office of the Secretary) Sunshine A. Fajarda, Assistant Secretary for Procurement Reynold S. Munsayac, ingon man si Assistant Secretary for Administration Noel T. Baluyan.
Epektibo usab sa Hulyo 19 ang resignation sa maong mga opisyal, sabay kini sa pagkanaog ni Bise Presidente Sara Duterte isip DEPED Secretary, usa ka bulan human kini nagpasa sa iyahang resignation letter.
Ang maong lakang matud pa, maka hatag og panahon ingon man kagawasan ni Senador Sonny Angara nga makapanita og kaugalingon niini nga tawo. Apan sumala ni Angara, wala niya kini giisip nga dautan, kundili, kasamtanfgan na hinoon silang nangita og mga opisyal nga hulip usba sa lima.
Dugang niini nga mas hatagan matud pa ni Angara og gimbug-aton ang emplementasyon sa K-12 Program.
Lauman nga karong byernes pa mag pulong sila si Bise Presidente Sara Duterte ingon man Senador Sonny Angara, kasabay usab sa mahitabong turnover ceremony.
