BUTUAN CITY – Libuang mga overseas Filipino workers kon OFWs ug ang mga foreign supporters ni kanhi Pangulong Rodrigo Roa Duterte ang nagtapok kagahapong adlawa sa Het Malieveld Park sa The Hague, Netherlands aron pagpakita sa ilang suporta sa gidangatan sa kanhi pangulo.
Nanghugyaw sa kalipay ang mga nanambong ilabina nga anaa sila Vice President Sara Duterte, kanhi Executive Secretary Salvador Medialdea ug ubang mga iladong Pilipino sama nila ni kanhi Presidential Spokesperson Harry Roque, ingon man si Senador Robin Padilla.
Sumala ni Bombo International Correspondent Marilou Custodio, gitambungan ang maong panagtapok ug advance birthday party alang sa kanhi pangulo, dili lang sa mga OFWs kondili lakip na usab sa ubang mga nasyunalidad nga ningsuporta sa kanhi presidente.
Samtang, gipadayag ni VP Sara Duterte nga nasayod ang iyaang amahan sa gihimo ngadto kaniya, ilabi na nga abogado kini, rason nga magpunay matud pa kini og pangutana mahitungod sa timeline sa korte.
