Libreng tuition ug Miscellaneous fee sa mga state universities and colleges, sugdan na karung Hunyo
BUTUAN CITY – Sugdan na sa pagpatuman ang Free Higher Education Law karung Hunyo sa tanang state universities and colleges kon SUCs sa tibook nasud.
Sigon ni Davao Congressman Karlo Nograles, Chairman sa Committee on Appropriations, ang nasangpit nga balaod maghatag ug libreng tuition ug Miscellaneous fee sa tanang nag-eskwela sa mga state universities and colleges.
Lakip usab sa makabenipisyo niini ang nagkuha ug TESDA Courses nga nag-eskwela sa nasangpit nga mga tunghaan.
Muabot sa 40 bilyones pesos ang gigahin alang sa pagpatuman sa maong balaod apan gipamugos ni Kongresman Nograles nga kinahanglan ang pagpapasar ug balaod aron magahinan kini og igong pondo sa nasyunal nga kagamhanan.
Gawas pa sa pagpatuman niini hangtud sa mga musunod nga katuigan.
