BUTUAN CITY- Muabot matod pa sa kapin 300,000 ka mga pasahero sa Caraga Region ang nakabenepiasyo sa Libreng Sakay Program sa Land Transportation Franchising Regulatory Board ilalom sa Service Contracting Program nga natapos na kagahapong adlawa Oktubre 22, 2021.
Sumala sa LTFRB-Caraga, miabot sa kinatibuk-ang 303,660 pasahero sa rehiyon ang nakapahimulos sa Libreng Sakay alang sa mga magpabakuna, APOR ug sa mga Health Care Workers.
Pagbana-bana usab sa buhatan, anaa sa ₱30,705,073.14 ang natipid nga pamasahe sa mga pasahero nga nakapahimulos sa maong programa.
Alayon niini nagpasalamat ug naghatag og pagsaludo ang Department of Transportation (DOTr) ug Land Transportation Franchising and Regulatory Board (LTFRB) sa tanang operator ug drayber nga misalmot sa maong Service Contracting Program.
