BUTUAN CITY – Subling ipakita sa mga Overseas Filipino Workers kon OFW ang ilang suporta para kang Kanhi Pangulong Rodrigo Duterte karung adlawa, Marso 28 dungan sa ika-80 nga adlaw nga natawhan.
Sumala sa Partido Demokratiko Pilipino Lakas ng Bayan kon PDP-Laban, liboang mga OFW ang una nang nag-organisa og mga prayer rally og panagtapok nga himoon sa nagkadaiyang panig sa kalibutan.
Kini pagpakita og suporta sa kanhi pangulo nga nakaditini sa International Criminal Court sa The Hague Netherlands. Base sa gipagawas nga listahan sa PDP ang mga panagtapok himoon sa Papua New Guinea, Brunei, Ireland, China, Qatar, Bharain, Saudi Arabia, England, New Zealand og Vietnam.
Ang tulo usab sa pinakadakong panagtapok himoon sa United States of Amerika nga himoon sa 8 ka estado, Australia og The Netherlands ilabina sa atubangan sa ICC nga langkuban sa mga gikan sa European Countries. Samtang dinhe sa Pilipinas, nagkadaiyang lugar usab ang dunay himoong prayer rally og mga motorcades.
Gane dinhe sa Caraga Region, duna nay 20 ka mga lugar ang kumpirmadong mohimo og prayer rally og tribute sa adlaw nga natawhan ni Kanhi Pangulong Rodrigo Duterte.
