BUTUAN CITY – Gitay-og sa 5.7 magnitude nga linog ang lungsod sa Libjo, Dinagat Island kaganinang alas 7:59 sa gabii.
Sa datus nga nakuha sa PHIVOLCS, ang maong linog anaa sa 9 kilometros sa kasadpan sa maong lungsod diin dunay kalawmong 21 kilometros og tectonic ang origin.
Subay niini nakasinati ug Intensity V ang Surigao City, Guian ug Salcedo, og Eastern Samar samtang Intensity IV sa Carascal, Surigao Del Sur; Lawaan and Giporlos, Eastern Samar; Butuan City; San Francisco, San Juan ug Hinunangan, Southern Leyte; Tolosa, Leyte.
Intensity III usab sa Dulag Leyte; Gingoog, Misamis Oriental; Palo, Leyte, Intensity II sa Hinatuan, Surigao Del Sur; Cagayan De Oro City; ug Intensity I sa Cebu City; Sorsogon City; Bislig City.
Hinoon walay gilaumang damyos sa maong pagtay-og apan dunay mga aftershocks.
