BUTUAN CITY – Midaog sa general elections sa Canada, ang Liberal Party ni Prime Minister Mark Carney.
Sa iyang victory speech, gisultihan ni Carney ang iyang mga supporters nga gisulayan matud pa ni United States President Trump ang pagbulag-bulag kanila aron ang Amerika na ang mu-angkon kanila, kansa dili matud pa bisan kanus-a man, mahitabo.
Dili pa masulti kung makuha ni Carney ang majority sa parliamento o kaha magsalig na lang sila sa ubang partido nga mutabang pagdumala sa ilang nasud.
Makakurat ang resulta sa botohay tungod kay mibali kini pabor sa Liberal Party, taliwa nga nangulahi kini sa mga survey polls sa milabay nga tulo ka mga buwan, adiser gihulipan ni Carney si Justin Trudeau isip lider.
Nagbahad si Carney nga lisod nga mga hagit ang gi-atubang karon sa ilang nasud ilabina sa mga patakarang gipatuman ni US President Donald Trump nga naka-apekto na sa dagan sa pamatigayon sa ubang kanasuran
