Nangandam na ang lokal nga kagamhanan sa Surigao City uban sa ilang City Health Office alang sa himuong synchronized mass oral polio vaccination karong Nobyembre 25 hangtud Disyembre 8.
Sigon ni Marife Malac ay – nurse II sa Surigao City Health Office, tinguha sa city government nga makab-ot ang siento-porsientong pagbakuna rason nga ilang himuon ang house-to-house oral vaccination. Himuon nila kini human nga kumpirmadong mibalik na ang maong sakit dinhi sa Pilipinas kondiin ang pinaka-apektado niini mao ang mga batang nag-edad og lima ka tuig pa-ubos.
Nasayrang dili matambalan ang maong sakit apan mamahimo kining malikayan ug mapugngan pinaagi sa bakuna. Apil sa mga simtomas sa polio ang pagpanakit sa ka-unuran hinungdan nga mabakol ang bata, hilanat, pagpanghawoy sa li-og ug sa pinakadelikadong kaso, lisod nga pagginhawa nga muresulta sa kamatayon.
Makuha ang maong sakit diha sa hugaw nga pagkaon, tubig ma-inom nga kont aminado sa polio virus. Alayon niini, nanawagan ang nurse ngadto sa tanang Surigaonons nga duna’y mga batang nag-edad og lima ka tuig pa-ubos nga mudalikyat sa pinakaduol nga health center aron mabakunahan kontra polio ang ilang mga anak atol sa maong mga adlaw.
