BUTUAN CITY – Gikumpirma ni Joe Pantoa, Public Information Officer sa Iligan city Government nga nakadawat sila ug hulga gikan sa terorista ng Maute Group.
Sigon sa opisyal nga eksklusibong pakighinabi sa Bombo Radyo, dunay nasagap matud pang impormasyon ang militar nga dunay 5 ka barangay sa Iligan City ang bombahan.
Alayon niini, nagpatawag gilayon og emergency meeting ang mayor sa tanang Barangay Kapitan isip kabahin sa monitoring ilabina sa mga bakwit nga anaa sa ilang dapit kansa wala na mi-agi pa sa evacuation centers.
Bisan paman niini, padayun ang maong dakbayan sa pagtabang sa mga bakwit nga gikan sa Marawi City diin nagka-anam pa ug kadaghan.
Dunay nangabot na usab nga mga relief goods sama nalang sa barko sa Philippine Navy ug ang gikan sa rehiyon sa Caraga, nga miabot sa 10-mil ka mga food packs. (Rolan Janea)
