BUTUAN CITY- Nahimong malampuson ang kampanya sa malinawong eleksyon sa umalabot nga Mayo 9 ning tuiga.
Kagahapong adlawa, hugot nga gisuportahan sa lokal nga panggamhanan ning syudad lakip na sa Agusan del Norte ang paglusad og Safe, Fair, Orderly, Credible, ang Peaceful National ug Local Elections.
Gilangkuban kini sa hiniusang pwersa sa Philippine National Police (PNP) Caraga, religious sector,Commission on Elections (COMELEC), Armed Forces of the Philippines (AFP), mga ahensya sa gobyerno, liderato sa komunidad ug mga political aspirants.
Gihimo ang aktibidad sa pasiunang candle lighting ug signing of a covenant of peace nga misimbolo sa pagsuporta sa kampanya.
Samtang gipuntoi usab ni Atty. Ernie Palanan sa eksklusibong pakighinabi sa Bombo Radyo Butuan nga tumong lamang sa maong aktibidad ang hapsay ug linaw unya nga dagan sa piniliay ning tuiga.
Na-obserbahan usab niining maayo ang dagan ug sitwasyon sa politika sa Dinagat islands ug mga kasikbit nga probinsya.
Nag-unang gilantaw usab nga makahatag og positibong resulta ngadto sa mga mobotar ning Caraga region ug sa tibuok nasud.
