BUTUAN CITY- Sugdan na karung Mayo 3 adlaw’ng Lunes ang vaccination roll out alang sa mga senior citizens ning syudad sa Butuan.
Magsugod kini sa alas 8 sa buntag hangtod sa alas 3 sa hapon samtang andam na usab ang mga vaccination posts nga mudawat og mga Senior Citizens alang sa ilang scheduled vaccination.
Samtang kadtong mga senior citizens nga magikan sa Brgy. Doongan mahimong muadto sa gitaganang area kung asa sila bakunahan nga anaa sa SM Butuan, Cinema Lobby, 3rd Floor ug ang mga Senior Citizens usab nga magikan sa Brgy. Lemon ug Buhangin mahimong muadto lang sa Robinsons Atrium.
Isip pag-prepara sa adlaw sa pagpamakuna, gikinahanglan nga ang mga edaran matulog og sayo, mukaon ug muinom sa ilang maintenance medicines adesir muadto sa vaccination post aron masiguro ang healthy condition.
Gipahinumduman usab kadtong mga senior citizens nga hingpit na nga makadawat sa ilang unang shot sa bakuna, nga kinahanglan gihapon nga magsuot og facemask, face shield, magdala og alcohol ingon man obserbahon gihapon ang social distancing.
Samtang sa Mayo 4 ipadayon gihapon ang nasangpit nga aktibidad.
