BUTUAN CITY – Nagsubmite na sa iyang counter-affidavit ngadto sa Department of Justice kon DOJ ang kanhi Sex Trip kon ST Queen nga si Gretchen Barretto may kalabutan sa preliminary investigation kalabot sa kaso sa mga missing sabungeros.
May kalabutan kini sa gihimong preliminary investigation sa DOJ kalabot sa reklamong giduso sa mga kabanay sa mga nawalang sabungero.
Nasayrang usa ang aktres sa dul-an 60 ka mga respondents nga gi-subpoena apil na ang negosyanteng si Atong Ang, retired Gen. Jonnel Estomo, ug uban pa nga gikasuhan og serious illegal detention ug multiple murder.
Madumdumang gibutyag ni whistleblower Julie “Dondon” Patidongan, kanhi aide ni Ang, nga nasayod matud pa si Gretchen sa mga operasyon ni Ang ug gilambigit usab kini sa natigayong pagpangdagit kansa gipanghimakak sa aktres.
Dihang gikuhaan kini og pamahayag sa mga tigbalita, gamay’ng pulong lang ang iyang gibutyag.
