BUTUAN CITY – Pursigido ang barangay tanod sa Brgy Puting Bato sa Cabadbaran City sakop sa lalawigan sa Agusan del Norte, nga mupasaka og kaso batuk sa gika-ingong empleyado sa Department of Environment and Natural Resources kon DENR nga nailang si Alvin Indig tungod sa pagpalusot matud pa og premium nga ginabas nga kahoy’ng Lawaan nga wala’y pertinenteng dokumento.
Base sa asuy ni Brgy Tanod Rafael Buhawe Jr. sa iyang pagdalikyat ning sibyahan, duna ka higayong nagpakarga og Lawaan ang suspetsado nga gisakay sa Saddam truck kagahapon kansa iya sa lokal nga kagamhanan sa Tubay, Agusan del Norte kondiin ang unang hugna nga gihimo sa udto, wala nila masapon tungod kay nadiretso na kini sa bansuhan og nagabas.
Kini ang rason nga ilang gi-atangan ang ikaduhang hugna base sa tip sa driver ug sa helper sa truck nga na-intercept nila pasado alas-otso kagabii.
Girason matud pa ni Indig nga duna kini deed of donation gikan sa lokal nga kagamhanan sa lungsod sa Tubay, hangtud nga ilang nasuta nga bakak ang gipadayag sa maong empleyado ilabina nga wala kini papeles isip pamatuod nga legal ang pag-transport niini kondiin karong buntag lang matud pa niini gibitbit ang deed of donation.
Bisan sa pag-abot sa mga pulis kagabii, wala’y napakita si Indig rason nga gikostudiya sa Cabadabaran City Police Station ang maong mga kahoy.
Ginegar usab ni Buhawe ang rason ni Indig nga naagian sa road construction ang maong mga kahoy rason nga ila kining gi-donate sa lungsod sa Tubay aron dili matud pa ma-usik.
Gibarugan niini nga nagbarog ang maong mga kahoy nga gituyo og putol tungod kay ila na kining gi-surveillance daan ug dinhi nasuta nga taud-taud na kining gipangandaman.
