BUTUAN CITY – Anaa na sa luwas nga kahimtang ang 40 ka mga pasahero nga naluwas gikan sa bangkang na-unlod sa Lumban, Laguna niadtong weekend atol sa fluvial parade nga kabahin sa relihiyosong selebrasyon sa maong lungsod.
Kini human nga dali nga mitubag ang Philippine Coast Guard ug ang mga lokal nga rescuers, ang maong insidente rason nga daling naluwas ang tanang pasahero kondiin wala’y gikatahong namatay gawas lang sa pagka-angol sa uban samtang na-shock usab ang uban kanila.
Gisusi karon sa mga otoridad kung overloaded ba ang bangka o kaha duna’y gilapas sa mga safety protocols, hinungdan sa insidente.
Nagpahinumdom na ang Philippines Coast Guard sa mga organizers sa ingon niini nga kalihukan nga hugot nga sundon ang mga lagda sa kaluwasan.
Nasayrang matag-tuig gihimo ang fluvial parade sa Laguna – usa sa mga pinakahinulatang tradisyon, apan ang insidente nahimong pahimangno sa kahinungdanon sa ma-ampingong pagpangandam ug hustong regulasyon.
