BUTUAN CITY – Nasubo ang pipila ka mga membro sa Lesbian, Gay, Bisexual and Transgender kon LGBTQ+ sa Estados Unidos sa executive order nga gipagawas ni US President Donald Trump sa unang mga oras sa iyang pagpangatungdanan kansa nagrekogisa sa duha lamang ka genders, ang babaye ug lalaki ug nagmando pa sa mga federal agencies nga hunongon na ang promosyon sa konsepto sa gender transition.
Sa eksklusibong pakighinabi sa Bombo Radyo Butuan, gipadayag ni Bombo international correspondent Carlos Mijares Hilbert direkta gikan sa Washington DC, nga bisan og makasusubo kini sa ilang panig apan dili matud pa kini angayang kahadlukan basta wala lang sila’y nahimong sala sa katilingban.
Dili matud pa ikalalis ang kadaghan sa mga LGBT communities sa Amerika nga maligsan sa maong kamanduan. Sa pagkakaron, wala pa siya’y nakitang duna’y mga nagprotesta batuk niini apan mi-ani na kini og negatibong reaksyon diha sa mga social media platforms.
Kalabot usab sa immigration policy sa bag-ong administrasyon, wala matud pa’y angayang kabalak-an basta musunod lang sa balaud apil na sa patakaran sa immigration bureau.
Sa iyang monitoring, wala pa siya’y nasayrang gipatuman na kini ug wala pa usab siya’y nabantayan nga mga Filipino nga apektado niini.
