BUTUAN CITY – Gikumperma sa Russian authorities nga namatay ang usa sa senior Russian general atul sa nahitabong car bombing sa Moscow.
Naila ang maong opisyal nga si General Yaroslav Moskalik, ang pinakabag-ong Russian military commander o pro-Kremlin figure nga gituohang target sa mga Ukrainians nga anaa sulod sa Russia.
Sumala pa ni Russian Investigations Committee spokeswoman Svetlana Petrenko, ning busikad ang usa ka Volkswagen Golf human kini naigo sa improvised explosive device nga dunay sulod nga mga pellets.
Nahitabo an maong pag-atake samtang padulong pa ang special envoy ni US President Donald Trump nga si Steve Witkoff sa central Moscow na kansa gikatakdang makighinabi kang Russian President Vladimir Putin alang sa peace talks sa Ukraine.
Una nang gikataho ni Russian Foreign Minister Sergey Lavrov nga andam ang Russia sa kasabutan sa US arun mahuman na ang gyera sa Ukraine.
Apan sumala ni Kyiv mayor Vitali Klitschko, posible matud pang ihatag sa Ukraine ang usa ka parte sa ilahang nasod ngadto sa Russia alang sa maong peace deal.
