BUTUAN CITY – Padayon usab nga gimonitor ang lebel sa tubig sa Agusan River dinhe sa siyudad sa Butuan. Pasado alas 11:00 kagabii sa dihang miabot na sa 2.9 meters ang lebel sa tubig.
Subay niini, gipahimangnoan sa City Disaster Risk Reduction and Management Deparment kon CDRRMD-Butuan ang mga nagpuyo sa kilid sa suba o mga ubos nga parte nga lugar lakip sa landslide prone area nga mahimong alerto. Kagabii usab misulod na sa mga kabalayan sa Barangay Golden Ribbon, Butuan City ang tubig baha.
Sa pakighinabi usab ning sibyahan kang Michiko De Jesus, tigpamaba sa Butuan City Government, hugot nang nakig-alayon ang mga personahe sa CDRRMD ngadto sa Barangat Disaster Risk Reduction kin BDRR sa mga kabarangayan alang sa pagmonitor lakip na pagpahibalo mga nagpuyo daplin sa suba.
Samtang gi-andam na usab ang mga evacuation centers alang sa manghikling nga indibidwal dayung saad ni De Jesus nga andam na usab ang mga food packs og mga ekepo.
