BUTUAN CITY – Gibabagan sa mga personahe sa kapulisan si Torreon ug mga kaubanan niining mga media, hinungdan wala kini makadayon ug sulod ngadto sa basement sa Jose Maria College nga anaa sulod sa Kingdom of Jesus Christ kagahapong adlawa. Kini atul sa pagsuhid ni Atty. Israelito Torreon, ang legal Council sa KOJC, ingon man sa mga media sulod sa basement sa Jose Maria COllege.
Una nang gihagit ni Atty. Israelito Torreon si PRO XI Regional Director PBGen. Nicolas Torre III nga sudlon nila uban sa mga media ang JMC Basement, kauban ang maong General, aron masuta kung aduna ba gayoy ginapahigayong drilling operation ilawom sa maong building. Una na usab nga gihagit ni Torre si Torreon nga kinahanglan pamatud-an matud pa sa maong abogado ang nadawatan niining litrato nga diin makita ang pipila ka mga personahe sa mga kapulisan ang nagkabut ilawom sa JMC Building, dugang pa niini nga dali ra usab matud pa makamugna ug larawan gamit ang photoshop.
Gidawat ni Torreon ang maong hagit hinungdan nga gusto niining suhidon ang maong dapit. Apan dakong kadismaya sa abugado dihang wala sila pasudla sa mga Pulis. Sumala sa abogado nga usa matud pa ka intrusiveug unreasonable search ang gihimo sa mga kapulisan.
