BUTUAN CITY – Gikumpirma ni National Basketball Association kon NBA deputy commissioner Mark Tatum nga napili sa Los Angeles Lakers isip 55th pick sa 2024 Draft si Bronny James rason nga mukulit na unya ang mag-amahang LeBron ug Bronny James og kasaysayan sa NBA isip pinaka-unang father-son duo tungod kay mudula man sila sa usa lang ka koponan.
Ang 19-anyos nga si Bronny tunog ang pangalan nga makasulod sa draft ning tuiga kondiin gikan siya sa Sierra Canyon School sa California ug mipirma nga magdula sa collegiate level sa USC Trojans.
Niadtong Hulyo 2023 na-cardiac arrest si Bronny nga miresulta sa congenital heart defect.
Dihang naka-recover, mibalik kini sa pagdula kondiin duna siya’y 25 ka appearances sa 2023-24 season.
Una nang nanghinaot kaniadto ang NBA star nga si James nga gusto niyang maka-uban sa koponan ang iyang anak.
