BUTUAN CITY – Subling ninghimo og impresibong triple-double performance ang 39-anyos nga si Lebron James alang sa kadaugan sa Los Angeles lakers kontra San Antonio Spurs sa iskor nga 119 – 102 kagahapong adalwa.
Sayran nga sulod lang sa 33 minutos, ningkamada na og 16-puntos ang kasamtangan nga pinaka tigulang nga NBA player, ninghimo kini og napulo ka mga rebounds ingon man 11 ka mga assists. Nahimousba niining katimbang ang kaubang bigman nga si Anthony Davis kansa ningkamada usab og 19 points ingon man 14 ka rebound.
Taliwala pa man sa kapildihan sa San Antonio, nagpakita gihapon og impresibong double-double ang sophomore nga si Victor Wembanyama alang sa gihuptan niining 20 points ug 10 rebs, samtang, 19 puntos usab ang naamot sa beteranong forward nga si Harrison Barnes. Gipamugos pa sa Lakers nga madomina ang dula taliwala pa man sa gipakitang maayong depensa sa San Antonio.
Napundo pa sa Lakers ang lead sa upat ka quarter, ug sa katapusang hugana sa dula, hawid na sa Lakers ang 19-points lead. Kini na an gika 11 nga kadaugan sa LA Lakers karon nga season, samtang anaa pa gihapon sa pito ang kapildihan niini.
