BUTUAN CITY – Gisaysay ni Jolas Painitan, residente sa Purok 7, Sitio San Agustin, Brgy Taligaman ning siyudad sa Butuan nga sa pagsugod pa lang sa ulan, dali na nilang gibiyaan ang ilang balay rason nga wala sila ma-unsa dihang midahili na yuta sa bukid.
Sa eksklusibong pakighinabi ning sibyahan, gipadayag niining nasayod na silang daan nga mudahii ang yuta sa ilang lugar tungod sa bangag-bangag sa yuta.
Gani, tapot-lawas lang silang midalikyat sa evacuation center tungod kay naniguro man sila sa ilang kaluwasan ilabina nga nakita gayod nilang inanay nga midahili ang yuta. Bag-o pa lang sila nakabalik sa ilang panimalay tungod kay namakwit usab sila dihang mihapak ang bagyong Tino ug karon balik na usab sila sa evacuation center.
Samtang – (tira 2nd LOCAL-B)
Gipadayag usab ni Susan Painitan, chairwoman sa Purok 7 nga alas-sais pa lang kaganinang buntag dihang milagapak na ang kahoy sa ibabaw sa ilang panimalay, naglumba na sila’g dagan. Gani ang mga nagpuyo sa usa ka balay, igo lang nakagawas adiser hingpit nga natabunan ang ilang balay.
Daan na matud pa silang gipahimangnuan sa ilang kapitan nga magbantay-bantay tungod sa bagyong Uwan ilabina nga bag-uhay pa silang naka-uli gikan usab namakwit dihang mikuso-kuso ang bagyong Tino.
