BUTUAN CITY – Nadakpan na sa kapulisan sa Brgy Buhangin sa Davao City ang duha ka mga lalaking gitu-uhang duna’y koneksyon sa pagluba-patay sa usa ka lalaki human sulod sa usa ka boarding house sa Block 3, Spring Valley, sa maong barangay niadtong Disyembre 28, 2025.
Nasuta sa imbestigasyon sa kapulisan, mga bandang alas-8:05 sa gabii nakadawat sila og tawag gikan sa Central 911 bahin sa insidente ug sigon sa caretaker, iyang nakita si alyas “Long Hair,” 52 anyos, nga daling migawas sa boarding house ug nilakaw padulong sa wala matino nga direksyon.
Sumala sa SOCO Team, naka-angkon ang biktimang si alyas ‘Luis’ og daghang samad dinunggaban sa li-og, likod, ug dughan hinungdan sa iyang kamatayon.
Nakarekober sa crime scene ang usa ka kutsilyo ug usa ka sling bag nga duna’y kwarta, ID cards, headphones, ug uban pang personal nga gamit sa biktima.
Nadakpan gilayon sa kapulisan sa ilang follow-up operations sila “Long Hair” ug alyas “Nilo” alang sa interogasyon aron masuta ang motibo sa kremin.
