BUTUAN CITY – Mimandu karun og lawom nga imbestigasyon si POLICE BRIGADIER GENERAL ROMEO M CARAMAT JR, Regional Director sa Police Regional Office kon PRO-13 mahitungod sa kamatayon sa amaha og anak nga napalgan nalang nga walay kinabuhi sa bukirang parte sa Sitio Mat-i, Brgy. Matin-ao, Mainit, Surigao del Norte kagahapong adlawa.
Gipaneguro sa opisyal nga ang ginsakupan sa Mainit Municipal Police Station anaa na sa ilang komprehensibong imbestigasyon aron matumbok ang mga suspetsado og masuta ang motibo sa pagpatay.
Mahinumdumang pasado alas 3:00 sa hapon sa dihang gipahibalo ni Barangay Kapitan Alberto Odtojan sa Brgy. Matin-ao ang kapulisan mahitungod sa pagkarekober sa 2 ka patay’ng lawas.
Sa inisyal nga imbestigasyon, ang duruha ka biktima nakasoot kini og pantalon, sweatshirts, og botas og dunay 2 ka itom nga back packs sa dool sa patay’ng lawas/
Base sa resulta sa post mortem examination nga gihimo ni Dr. Jessie U. Aguillera, Rural Health Officer sa Mainit, ang mga biktima parehong nakahiagum og samad pinusilan sa ilang kalawasan.
Sa taho gikan sa Mainit Municipal Police Station, ang mga biktima, amahan og anak nga nailing sila Jose Madelozo, 50-anyos og Junry Madelozo, 28-anyos nga pulos residente sa Brgy. Mayag, Sison sa Surigao del Norte.
Mibiya ang mga niini aron mangetag kahoy diha sa kabukiran ilabina kay naila ang mga niini nga mamutulay og kahoy sa ilang lugar.
Sumala ni POLICE BRIGADIER GENERAL CARAMAT JR karung naila na ang mga biktima, gimanduan ang kapulisan nga himoon ang tanan aron mailhan ang mga suspetsado og mapanubag sa kremin nga ilang nabuhat.
