BUTUAN CITY – Sa panahon karon diin ang mga tech companies nagdasog sa mga consumers pagpalit kanunay og mas bag-o ug mas mahalon nga mga gadgets, didto sa Peru, us aka kompanya ang bag-uhay lang naglusad og makalahutay sa taas nga panahon nga ‘wooden laptop’ kansa mamahimong magamit sulod sa napulo ngadto sa 15 ka mga tuig.
Sa pagsulay pagdala sa bag-o og ma-afford nga teknolohiya ngadto sa pinakahilit nga mga lugar sa Peru, ang pamilya Carrascos nga gilangkuban sa mga computer specialists ug marketing experts – mimugna sa Wawalaptop, usa ka Single Board Computer kon SBC – usa ka laptop nga duna’y kahoy nga casing kansa dali rang ma-repair ug ma-upgrade.
Ang tunga sa pulgada lang nga gilapdon sa laptop gaan lang, ultra-portable ug affordable kaayo tungod kay nagkantidad lang kini ug 235-dolyares kon kapin 12-mil pesos.
Sigon ni computer engineer Javier Carrasco, ang technology manager sa Wawalaptop, gisubhan ang orihinal nga Wawalaptop niadto pang 2015, apan ang 2.0 version, nga nag-feature sa recyclable medium-density fiberboard (usa ka engineered wood product) casing, andam nang mu-igo sa merkado.
Suportado ang Wawalaptop sa regular ug solar charging, apan ang pinalahi niining feature mao ang kasayon niining dalhon.
