BUTUAN CITY – Gikansela na sa Department of Natural Resources kon DENR ang kasabutan niini tali sa mga membro sa Socorro Bayanihan Services Inc. kon SBSI kansa nagtugot sa mga membro niini nga mamuyo sa protected area sa lungsod sa Socorro, Surigao del Norte. Kahinumduman nga ang una nang gi-ila ni Senadora Risa Hontiveros ang Socorro Bayanihan services, Inc. isip kulto sa pinaka una niining expose mahitungod sa nasangpit nga grupo.
Sumala pa ni DENR Secretary Ma. Antonia Yulo Loyzaga nga lakip sa mga bayulasyon nga gisuway sa nasangpit nga kulto mao ang pagbutang og mga illegal nga imprastraktura sa lugar sama sa wave pool ug gym.
Alayon niini, gimanduan usab sa nasangpit nga order sa DENR ang mga membro sa SBSI nga papahawaon sa nasangpit nga lugar ang tanang gikan sa pamilya sa mga membro, representante, o kaha mga agents niini, “self-demolish their houses and to harvest their crops within a reasonable period of time upon consultation with the concerned agencies for their proper and safe relocations and re-integration.”
Subay sa maong balita, gikatakda usab nga magpulong ang taga DENR ingon man ang Department of the Interior and Local Government (DILG), Department of Social Welfare and Development (DSWD), ug ang pangamhanan sa Surigao del Norte alang sa pag reintegrate sa planong pagrelokar sa mga naapektuhang pamilya nga anaa sa 1,425 akng kinatibuk-ang ihap.
