Lamar Odom,mimaayo na samtang anaa sa rehab center sa Las Vegas

BUTUAN CITY – Makita na ang maayong epekto ang pagpabilin sa rehabilitation center sa Las Vegas ni kanhi NBA star Lamar Odom.

Sumala sa iyang kampo, mas nadasig pa kini tungod sa init nga suporta nga iyang nadawat gikan sa iyang pamilya, mga higala ug iyang mga fans.

Aduna pa siyay pipila ka semana sa dili pa niya mahuman ang iyang rehab program.

Mahinumdumang gidakop si Odom tungod sa pagmaneho ubos sa impluwensya sa ilimnong makahubog sa Las Vegas.

Mituman usab siya ug andam nga bayran ang sala nga iyang nahimo.