BUTUAN CITY – Padayon pang gipaninguha sa mga opisyal sa Brgy. Manapa, lungsod sa Buenavista, Agusan del Norte uban sa kapulisan nga ma-ilhan na ang patay’ng lawas sa usa ka lalaking napalgang wala na’y kinabuhi samtang naglutaw sa baybayon sa maong dapit.
Sa eksklusibong pakighinabi sa Bombo Radyo Butuan, gibutyag ni Kapitan Raul Labesores nga napalgan ang patay’ng lawas kaganinang alas-singko sa sayong buntag nga wala na’y suot nga underwear, naka-jacket og anaa na sa li-og ang dala niining miner’s flashlight rasong gitu-uhang nanulo kini.
Ila na usab nga gipanubayan ang matud pa, managsoong taga-sentrong bahin sa maong lungsod nga nangita sa ilang amahan aron matumbok kung mao ba kini ang ilang gipangita.
Alayon niini, nanawagan siya sa tanang nakadungog niini nga pagsibya nga dalikyatan ang punerarya sa ilang lungsod.
