BUTUAN CITY – Gikiha sa usa ka babaye sa New Zealand ang kanhi niining hinigugma tungod sa kapakyasan niining matuman ang ilahang sabot nga ihatud ang babaye sa airport alang sa lakaw niini.
Sumala sa nasangpit nga babayeng giila lamang sa initials nga CL, nagsabot na matud pa sila sa iyahang uyab nga kuhaon siya sa gipuya-an niini bandang alas 10:00 ngadto sa alas 10:15 ang takna sa buntag. Apan wala minpatim-aw ang lalaki nga naila usab sa initials nga HG sa maong oras kansa ilang nasabutan, rason nga nag commute na lamang si CL.
Dugang ni CL nga gawas sa nagasto niya padulong sa airport, naka hire pa siya og magbantay sa iyang mga iro sa ilahang balay, kansa gikasabutan na nila sa iyahang uyab nga kini ang mag bantay samtang siya naglaag.
Tungod sa maong kapakyasan, gikiha ni CL si HG sa Disputes Tribunal, nga sigon niini “a quicker, cheaper and less formal than court.”
Apan sigon ni tribunal referee nga si Krysia Cowie, dili matud pa balido ang mga rason sa babaye arun ikiha ang kanhi niining uyab, og wala usab matud pay legal nga obligasyon ang lalaki o si bisan kinsa nga tawo sa mga kasabutan nga sama lamang kamabaw sa maong kaso.
Sa katapusan, pildi na ang babaye sa kaso; nabuwagan pa gyud kini sa iyahang uyab, ug dako pa gyud kinig nagasto alang sa maong kaso.
