BUTUAN CITY – Human ang pila ka adlaw nga pagkakaplag og natumbok nga mao ang lalaking mi-ambak sa Magsaysay Bridge sa Brgy. Buhangin ning siyudad sa Butuan, hingpit nang gi-claim sa iyang mga kabanay ang patay’ng lawas sa usa ka lalaking napalgang naglutaw sa Agusan River.
Gi-ila ang biktimang si Mikaelo Roy Wahing, 18-anyos og residente sa Ideal Village ning siyudad sa Butuan.
Sigon sa iyang higalang si Vanessa Ilandag, ila lang nsayrang nga na-missing na ang biktima niadto pang Abril 5 human midalikyat kanila ang inahan niini bitbit ang flyer nga nagprinta sa iyang pagkahanaw.
Dali nila kining gi-post sa Facebook hangtud nga duna’y nakarekomenda kanilang basahon ang post sa Bombo Radyo Butuan kalabot sa maong insidente niadtong Sabado nga nagpakita sa susamang sapot nga gisuot usab sa biktima.
Dali nilang gidalikyatan ang punerarya diin kini gipahiluna hangtud nga nakumpirma nilang mao kini ang gipangita niyang higala.
Base sa iyang pag-ila sa biktima nga ka-uban niya sa simbahan, gina-request matud pa sa kabanay sa biktima nga i–prayer request kini tungod kay kanunay matud pa kining gina-bully nga maoy hinungdan sa pag-undang niya og eskwela og posibleng mao usab ang hinungdan sa iyang pagpakamatay.
