BUTUAN CITY – Kasong Violation of Article 200 of the Revised Penal Code o mas naila nga Grave o Public Scandal ang ipasaka batuk sa duha ka content creators sa Cabadbaran City, Agusan del Norte human nag-viral ang ilang content tungod mismo sa traffic light area, sa may Barangay Mabini, sa maong siyudad kagahapon, April 19, 2025.
Naila ang mga nadakpan nga sila si Johnriel Esma Alibio, 18-anyos, single, walay trabaho, residente sa Purok 6, Barangay 9, Cabadbaran City ug Elton Esma Alibio, 18-anyos, ulitawo, estudyante, ug residente sa Purok 6, Barangay 8, sa susamang siyudad.
Makita sa video ang nag-circulate sa social media nga gi-post sa Facebook page, nagbitbit og toilet bowl ang usa ka lalaki, ug gibutang kini sa tunga sa traffic light intersection sa Barangay Mabini, Cabadbaran City.
Makita sa video ang lalaki nga naghubo ug milingkod sa toilet bowl kansa nakahatag ug disturbo sa publiko, nga ningsangpot usab sa obstruction sa traffic flow.
Kasamtangang gi-kostodiya na sa Cabadbaran City Police Station ang duha alang sa saktong disposisyon.
