BUTUAN CITY – Nahagbong gikan sa atup ang usa ka lalaki sa Thammarat, Thailand human kini ningkaratil og dagan tungod kay nasakpan mang nanilib sa usa ka babaye.
Tungod sa pagdali-dali niini og ikyas, nahagbong ang maong lalaki gikan sa atop ngadto na sa garahe sa usa ka balay. Subay sa imbistigasyon sa kapulisan, sa second floor matud pa nanilib ang maong lalaki sa babaye apan nabulasot kini sa gabok nga bahin sa atup sa garahe diin kini naka-ambak.
Daling ningbarug ang maong lalaki gikan sa pagkahagbong ug ning karatil pagdagan palayo ug gisundan siya sa babayeng iyang gisiliban nga duna pay dalang bunal.
Napriso apan naka pyansa ra ang maong lalaki, ug nasuta nga tirador diay kini sa mga underwear sa maong babaye kondiin suhiron niini ang hayhayan matag-gabie ug kawaton ang mga nakahalay nga panty sa iyang gibiktima.
