-- ADVERTISEMENT --
BUTUAN CITY – Tingkagol sa bilangguan ang usa ka lalaki nga responsable sa pagpanigbas sa iyang silingan human mitahan sa kagawad sa ilang barangay kagabii.
Naila ang misurender nga si Rolando Fidelis, 64-anyos, mag-uuma, samtang ang iyang natigbasan nailang si Ricky Andojar, 27-anyos, ulitawo og parehong residente sa Purok 8, Brgy. Dumalagan ning siyudad.
Migawas sa inisyal nga imbestigasyon nga misulong sa panimalay ni Fidelis si Andojar og gibunalan og kahoy sa ulo hinungdan nga gibaslan kini og tigbas nga mi-igo sa nagkada-iyang parte sa lawas.
Daling gidala sa ospital si Andojar samtang mitahan usab kang Kagawad Anabelle Lumantao si Fidelis. (Beth Ruiz)
